將軍澳．日出康城LP6
【客飯廳】顏色配細節營造時尚感
一般感覺白色設計比較光猛開揚，木色就自然感強啲，但其實肯花多少少心思係用色上面，即使加多種深色，其實依然都有時尚同空間感。
其實秘訣就係適當留白，試下配隻深藍或者青藍做裝飾，牆身同枱面用間接燈光，令個成個廳感覺嘅感覺鮮明咗，櫃身同櫃邊加返啲閃邊，帶少少「金碧輝煌」嘅效果，成個觀感即刻有氣派咗，同多幾分時尚感！
【主人房】小設計，大特色
諗自己間屋點設計個陣，通常未必會留意衣櫃點配襯，但其實只要花多少少心思將平平無奇嘅嘢變成「大特色」～
以呢個喺日出康城嘅單位為例，主人房衣櫃經過特別「處理」變成甚具特色之一嘅地方；櫃身以靛藍色為主，類近海洋嘅感覺，加上星形櫃柄，更加令衣櫃大有「亮點」，再透過木地台滲入木調感，營造自然、放鬆嘅氣氛！
【玻璃展示櫃】打造男人浪漫
唔少人都喜歡收藏模型或者精品，不過要係屋企「靚靚囝囝」咁展示出嚟，的確唔係咁易～
以下呢個單位嘅戶主有唔少高達模型，我哋就幫佢設計一套玻璃櫃，上下層以一凹一凸排序結構組成，凸顯每層本身嘅模樣特色，但整體觀感又唔會凌亂，而且好襯！
櫃嘅燈本身都有講究，櫃外用射燈而櫃內就用燈帶，因為前者過於光猛，長時間照射會容易令模型變色，反而燈帶滲光睇落就更有氣派。
更多案例
